Ang “ guro” o “ titser” ay ang tinaguriang pangalawang magulang. Sila ang humahalili sa
mga responsibilidad ng magulang kapag nasa paaralan na ang mga bata. Lahat ng
guro ay walang ibang hangad kundi mapabuti ang pagtuturo upang ang mga
tinuturuan ay may malalaman at maiintindihan sa bawat talakayang nais ilahad.
Paano nga ba ito magagawa ng titser?. Ito ang tanong na isang hamon sa mga
titser na naka-assign sa mga liblib
na lugar, walang kuryente o sa madaling sabi ay malayo sa kabihasnan at
sibilisasyon. Ito na ang kadalasang senaryo lalong-lalo na nang mga baguhang guro. Para maging epektibong
guro sa ganitong senaryo, pagkamalikhain at diskarte ni titser ay talagang
dapat taglayan.
 |
| Nakuha mula sa Google.com |
 |
| Nakuha mula sa Google.com |
Ang
pagkamalikhain ng isang guro ay sinasabayan ito ng diskarte. Suriin ang mga
sumusunod na talakayan, planohing mabuti ang mga gagawain sa nasabing paksa at
ihanda ang mga kagamitang karapat dapat gamitin sa paksa. Sa ganitong paraan,
maaaring kolektahin ang mga
kakailanganin sa bayan bago babalik sa lugar na pagtuturuan. Kaakibat na
ng guro ang pagsasakripisyo hindi lang sa lakas kundi pati rin sa pinansyal
para lamang matagumpayan ang minimithing layunin sa pagtuturo. Ang
pagreresaykol ng mga kagamitan sa paligid bilang dagdag kagamitan sa pagtuturo tulad na lang sa paggawa ng visual aid ay maaaring gamitin ang
likuran ng mga malalaking kalendaryo . Sa paggawa ng desinyong grapiko,
maaaring gamitin ang mga malalaking lumang karton, didikitan lamang ito ng mga
makukulay na papel para dagdag palumuti. Nakakatulong ito sa pagkuha ng mga
interes ng mag-aaral para maging handa sa talakayan.
 |
| Nakuha mula sa Google.com |
 |
| Nakuha mula sa Google.com |
Sa
makabagong henerasyon ngayon, hindi maiiwasan na mayroon paring mga mag-aaral
na hindi alam kung paano at ano ang mga teknolohiya na laganap sa ibang
kapaligiran. Kaya bilang mga baguhang guro, dapat paghandaan ito, para hindi
mahadlangan ang pagkatuto ng mga mag-aaral sa partikular na lugar. Bilang
tagapag-hubog ng isang indibidwal na sa hinaharap ay inaasahang maging matagumpay
sa anumang larangan na mapili nila sa
kani-kanilang buhay. Pagkamalikhain at diskarte ng isang titser dapat taglayin
at paunlarin kahit sa anumang hamon ng
pagkakataon at panahon.
